人情冷暖未去盡

很早便約了Cook今天看sales sell Smartboard——就是培正中學和港大同學會中學課室內的那塊東西。某人似乎手握一大筆錢洗不去，竟然犯了在sales面前「話好平」的大忌——看，公帑就是這樣子花去的了。

兩個sales，一男一女，做demo，其實真的demo得唔錯。之後聽到塊Smartboard只需$15000一塊，還要包個軟件（超多功能）的無限license（你話包幾部機的license都make sense呀），仲要兩個sales抬塊板周圍走，間公司又要賺，其實呢兩個sales可以賺幾多架？

培正中學好像某棟校舍全部都裝了Smartboard，而港大同學會中學更是全校所有課室安裝。家陣科大數學系只是想買一個，好老實，算得係咩？所以我覺得，他們的目標不是一個數學系的UG lab，而是整個科大的課室。這才是做大生意嘛。（其實純綷我自己亂諗，可能佢地真係無咩大志……）

某教授一到，呢兩位sales就好醒目咁俾咗張卡片佢，而我呢個二打六當然無份啦。過咗好耐，阿Cook無啦啦話我係Prof.鄭個代表（聲明：其實唔係），於是兩張卡片在15秒內火速送到，仲快過保特跑200米。

通常呢個moment，你可能會expect我會話咩世態炎涼、人情冷暖，但你錯啦。我淨係想講，初時佢哋當初係完全唔知我咩身份，而且我自覺當時企係度都OK有氣勢，行事都無咩點卑躬屈膝。咁佢點分我同某教授既level呢？恐怕都係衣著同個樣。

問題來了，他朝我真係做咗教授，我都唔見得會執到好正。可能都係踢拖係大學度周圍走。

所以我的結論其實是，人既不可貌相，而卡片亦唔係好貴，sales們，見人就派先至係最人情冷暖的做法。